เหตุปจฺจโย

[59] จิตฺตานุปริวตฺติํ กุสลํ ธมฺมํ ปฏิจฺจ จิตฺตานุปริวตฺตี กุสโล ธมฺโม อุปฺปชฺชติ เหตุปจฺจยา… ตีณิฯ

โนจิตฺตานุปริวตฺติํ กุสลํ ธมฺมํ ปฏิจฺจ จิตฺตานุปริวตฺตี กุสโล ธมฺโม อุปฺปชฺชติ เหตุปจฺจยาฯ (1)

จิตฺตานุปริวตฺติํ กุสลญฺจ โนจิตฺตานุปริวตฺติํ กุสลญฺจ ธมฺมํ ปฏิจฺจ จิตฺตานุปริวตฺตี กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[60] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[61] จิตฺตานุปริวตฺติํ อกุสลํ ธมฺมํ ปฏิจฺจ จิตฺตานุปริวตฺตี อกุสโล ธมฺโม อุปฺปชฺชติ เหตุปจฺจยา… ตีณิฯ

โนจิตฺตานุปริวตฺติํ อกุสลํ ธมฺมํ ปฏิจฺจ จิตฺตานุปริวตฺตี อกุสโล ธมฺโม อุปฺปชฺชติ เหตุปจฺจยาฯ (1)

จิตฺตานุปริวตฺติํ อกุสลญฺจ โนจิตฺตานุปริวตฺติํ อกุสลญฺจ ธมฺมํ ปฏิจฺจ จิตฺตานุปริวตฺตี อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[62] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํ)ฯ

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[63] จิตฺตานุปริวตฺติํ อพฺยากตํ ธมฺมํ ปฏิจฺจ จิตฺตานุปริวตฺตี อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[64] เหตุยา นว, อารมฺมเณ นว…เป.… อวิคเต นว (สํขิตฺตํฯ เจตสิกทุกสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

63-1. จิตฺตสํสฏฺฐสมุฏฺฐานทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[65] จิตฺตสํสฏฺฐสมุฏฺฐานํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยาฯ จิตฺตสํสฏฺฐสมุฏฺฐานํ กุสลํ ธมฺมํ ปฏิจฺจ โนจิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยาฯ จิตฺตสํสฏฺฐสมุฏฺฐานํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน กุสโล จ โนจิตฺตสํสฏฺฐสมุฏฺฐาโน กุสโล จ ธมฺมา อุปฺปชฺชนฺติ เหตุปจฺจยาฯ (3)

โนจิตฺตสํสฏฺฐสมุฏฺฐานํ กุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยาฯ (1)

จิตฺตสํสฏฺฐสมุฏฺฐานํ กุสลญฺจ โนจิตฺตสํสฏฺฐสมุฏฺฐานํ กุสลญฺจ ธมฺมํ ปฏิจฺจ จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[66] เหตุยา ปญฺจ, อารมฺมเณ ปญฺจ…เป.… อวิคเต ปญฺจฯ (สํขิตฺตํฯ ยถา มหนฺตรทุเก เจตสิกทุกกุสลสทิสํ, ตตฺตกา เอว ปญฺหาฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[67] จิตฺตสํสฏฺฐสมุฏฺฐานํ อกุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน อกุสโล ธมฺโม อุปฺปชฺชติ เหตุปจฺจยา… ตีณิฯ

โนจิตฺตสํสฏฺฐสมุฏฺฐานํ อกุสลํ ธมฺมํ ปฏิจฺจ จิตฺตสํสฏฺฐสมุฏฺฐาโน อกุสโล ธมฺโม อุปฺปชฺชติ เหตุปจฺจยาฯ (1)

จิตฺตสํสฏฺฐสมุฏฺฐานํ อกุสลญฺจ โนจิตฺตสํสฏฺฐสมุฏฺฐานํ อกุสลญฺจ ธมฺมํ ปฏิจฺจ จิตฺตสํสฏฺฐสมุฏฺฐาโน อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[68] เหตุยา ปญฺจ, อารมฺมเณ ปญฺจ…เป.… อวิคเต ปญฺจ (สํขิตฺตํฯ เจตสิกทุกอกุสลสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[69] จิตฺตสํสฏฺฐสมุฏฺฐานํ อพฺยากตํ ธมฺมํ ปฏิจฺจ จิตฺตสํสฏฺฐสมุฏฺฐาโน อพฺยากโต ธมฺโม อุปฺปชฺชติ เหตุปจฺจยา… ตีณิฯ